شعر وأدب
من ذكريات الفيس.. بقلم / أميمة المعداوي
من ديوان /روح الحياه
..و سامحنا
..قسينا كتير على روحنا ،
وخبينا ولا بوحنا
..ولو عايزينا نتعاتب ؟
عتابكوا معانا يجرحنا
..على الأهه اللى عشناها
وافعالكم ماتفرحنا
..غزلتم م الجراح توبنا ،
و أبدعتم فى تجريحنا
..وكنتم ف الغرور أصعب ،
وضيعتم ملامحنا
..بقينا ف البعاد أفضل ،
ومحفوظه مطارحنا
..وعشنا السعد وياهم ،
وكل الهم طوحنا
..بلاش تعيدولنا ف الماضى،
نسينا جراحكوا وسامحنا .
