لما تكون راجل بجد.. بقلم ياسمين حافظ

لما تكون راجل بجد
ما تهينش ولا تذل إنسان
ولا تفتح باب بيتك
وتخلي سيرة أهلك على كل لسان

وتشكي لصاحبة ولا صاحب
وتسلم بيتك لذلة اللسان
والنوايا المخفية
في كل مكان

البيوت ستر وأمان
مش حكايات للصاحبة ولا الجيران
ولا وجع يتقال في القعدة
ولا أسرار تتحكي لأي مكان

لو انت راجل جدع
هتخبي الوجع بإتقان
وتصون العِشرة
وتحفظ غيابها قبل ما تبان

تتقي ربك فيها
وتدافع عنها قدام أي إنسان
وتحمي بيتك من كلام
مالوش لازمة ولا أمان
والكلام مش ليك لوحدك

ده ليكي انتي كمان يا إنسانة
ما تشكيش لكل صاحبة
ولا تحكي لكل عنوان
مش كل اللي بيسمع طيب

ولا كل قلب فيه أمان
ممكن منكم يكون غيران
خلينا مستورين
قافلين على نفسنا البيبان
نداري عيوبنا سوا
ونصلح بإيدينا اللي كان

ونستعين بالله دايما
في الضيق قبل ما يبان
ويرزقنا راحة بال
ويغفر ذنوبنا
ويرزق بيوتنا وقلوبنا الأمان …….