شعر وأدب
(( اليوم بيومه )) بقلم الشاعر أشرف محمد
عايش اليوم بيومه
بصحوه و بغيومه
طول ما فيها فول
وبدنجان غرقان ف تومه
عايش اليومه بيومه
طعميه ف طاسه سخنه
ريحتها منها دوخنا
وبتطلع من نافوخنا
وتنسى الواحد همومه
عايش اليوم بيومه
مع عيش م الفرن طالع
كأنه البدر طالع
الجوع ف طعمه طامع !
رغيف ربك يدومه
عايش اليوم بيومه
الشاى دا حكايه وحده
نعناعه يبوس له خده !!
خدامة القهوة عنده
تشوفو المشاريب يقومو
عايش اليوم بيومه
كام ساعه ف القراية
شِعر و قصة و رواية
وحدى ف الكون معايا !!
ف النور يا عيونى عومو
عايش اليوم بيومه
