شعر وأدب
“أيام وحشاني” كلمات الشاعرة/ فاتن الأنصاري
أيام راحت وحشاني
نفسي أنا ترجع من تاني
دي ليالي بتعدي ليالي
وأنا بعدك مش مرتاح
يا سنين حبي اللي معاه
بتعدي وأنا وياه
إزاى ده أنا بس لقاه
بحلم أنه يجيني
مش ناسي اللي بينا وراضي
وبقول هنرجع تاني وعادي
دي عيونها كان حضنها دافي
مش ناسي اللي بينا أنا مش ناسي
متسبنيش جنبك خليني
ياحياتي وروحي وعيني
داهواك جوايه مليني
وجنبك بكون مرتاح
بعشقه وأتمنى هواه
وبعيش أنا على ذكراه
وتعبت من كتر الآه
وبفتكر ليالينا وياااه
مش ناسي اللي بينا وراضي
وبقول هنرجع تاني وعادي
دي عيونها كان حضنها دافي
مش ناسي اللي بينا أنا مش ناسي
