شعر وأدب
“وعد كاذب” بقلم قمر بنصالح
هو:
– يا سِري الساكن في ذاتي
تتنفس بيه شراييني
يا توأم روحي و حياتي
ما ننساك و لا تنسيني…..
اخترتي البعد وانت عشاقة
غيابك طال …بكاها عيني
كنت نظنك تبقيلي مشتاقه
ظني خاب و انت هجرتيني….
هي:
– قتلي انتِ عشقه حرة
هونت الواقع و مره
غير قولي حاضر هالمرة
نكسر الاحجار بيديني…..
خنت الحب و بالعشرة غريت
وعدك كاذب لي ماصافيت
لأجل الغير عشقي أنا خليت
غدوة النوم تنساه و تبكيني…
بياع و تقلّي بعتيني
بياع و منك يزيني
هو :
– طلعتي لغرامي خوانة
حسبتك دايم تصونيه
وهبتيني الأوهام بحنانه
وغلاي بالرخص بعتيه…
بياعة خسارة بعتيني
نساية بطلتي تحبيني.
طريق العمر تغير مساره
وحبك في القلب داره
سارح فكري شاردة أفكاره
ونار الفرقة حرقت كنيني…
ظالم زماني .. سامحيني
ولصدرك الدافئ ضميني….
هي:
على الثقة سكرت بابي
غياب الوفاء زاد عذابي
جاي اليوم تبكي غيابي
كأس الندم اشرب و خليني
بعت العشرة منك يكفيني
هجرك ضيع …. لحبي طريقه
نار اوجاعي ……. زدتها حريقه
ضو عيوني … طفيتلي بريقه
يدور الزمن و تزهى سنيني
وتغيم سماك و سيول تبكيني….
