الأزمات الصعبة.. بقلم مريم أبو السعد

كل يوم تزيد قناعتي إن الأزمات الصعبه فيها استفادة كبيرة وبعدها بدايه حلوه؛ وإن مش كل سُقوط نهاية، سُقوط المطر مهما زاد فهو خير وأغلبنا مُقتنع بكده، ويمكن اتقفل في وشك باب عشان لو دخلتوا هتطلع مكسور الخاطر، يجوز إنك تكون بتبالغ شوية في حُبّك للي حواليك..

وده امتحان رباني عشان ينور لك بصيرتك ويعطيك نتائج واضحة وصريحة، وراد جدًا تعمل كل اللي عليك فى حاجه نفسك فيها، ومتقدرش توصلّها لأنه لسه مجاش آوانها… أو ربنا مش قاسم لك بيها وكاتب لك حاجه أحسن منها بكتير لمُجرّد إنك راضي بقضاء الله.