حلو صيامي.. للشيف زهرة غزال
بمناسبة بدء صيام أخواتنا المسيحين شركاء الوطن، نقدم لكم هذه الوصفة ويارب تعجبكم وكل عام وأنتم بحير.
المقادير
موزه كبيره مستوية
كوب شوفان رشه ملح صغيره معلقة صغيرة خل
معلقة صغيرة مليانة بيكنج بودر ، فانيلا و ده اختياري
نص كوب اي نوع حليب نباتي او عادي
٢ معلقة كبيرة زيت نباتي او زبده سيحة معلقة صغيرة عسل ابيض
لو حابين نعمله عادي مش صيامي
هنبدل الشوفان ب كوب دقيق عادي او دقيق كيك
العسل بملعقة كبيرة سكر وبس
الطريقة
فالخلاط هنضيف الموزه والشوفان والحليب ورشه الملح والعسل او السكر والزيت ونضربهم كويس اوي مع بعض
هيكون عندنا خليط بان كيك حلو اوي نركز في قوام الخليط بيكون تقيل شويه اتقل شويه من كيك العاديه
لو اخف من كدة نزود معلقه شوفان او دقيق
نجهز بقي طاسه وندهنها اول مره بس ب نقطه زيت وننزل ب خليط البان كيك ونفردها براحة بس نخلي بالنا تكون طبقة متوسطة مش تخينة علشان تستوي كويس ونبدأ نسوي البان كيك ع نار هاديه لحد م تبدأ تاخد لون دهبي حلو من تحت ويظهر فقاعات علي الوش نقلبها علي الوش التاني لحد م تستوي ونرص وحدات البان كيك ف طبق وممكن ندهن كل واحدة بسيط اوي ب زيت جوز هند او زبده بيبقي طعمها تحفة وبعد كدة تتاكل بالف هنااا مع عسل أبيض مع اي صوص أو فاكهة حسب الرغبة
ملحوظة
مهم يكون الخليط اتقل شويه من كيك الشاي او الكيك العاديه ف لو الخليط كان خفيف نزود معلقة كبيرة من الدقيق او الشوفان ولو تقيل نزود معلقة كبيرة من الحليب
لازم التسويه تكون ع نار هاديه علشان تستوي كويس من جوا لان الشوفان بيحتاج وقت أطول فالتسويه
لو هنعملها بالشوفان بلاش نعمل وحدات البان كيك سميكة علشان تستوي كويس من جو وبس جربوها.
تحفة ألف هنا.
