حكايات العالم السفلى.. الحكاية 31

شبه مهجورة

بقلم /إيهاب همام

اصعب مافي الحياه هو السعي وراء الرزق في اي مكان مش مهم هتكون فين او إمتي المهم انك تسعي وراء رزقك اللي في علم الغيب وممكن تتعرض لصعوبات ومواقف قاسيه تؤذيك او ترهبك ولكن المهم انك تتحمل متاعب الحياه.

وده اللي حصل مع مراد المدرس.اللي عنده ٤٠ سنه و اللي اشتغل في السعودية سنين طويله ولما رجع عينته الوزاره في مدرسه إعدادي في احدي القري النائيه بمحافظة المنيا وراح مراد استلم شغله في المدرسه وسکن فُيَ آسِتٌرآحًةّ المدرسين وكان معاه في السكن اتنين من المدرسين بس وكان مراد بيروح المدرسه الصبح ويرجع الشقه ما بيخرجش وكانت حياته عباره عن كومه من الملل.

وفليله غاب النوم عن عيونه في وقت متأخر من الليله فخرج للبلكونه يشم هوا ولأن القريه نائيه فكانت بعد صلاة العشاء الناس بتقفل بابها وتنام وتبقي البلد شبه مهجوره وكان قدام البيت اللي سكن المدرسين في شقه في الدور التالت منه ادامه بير ميه وهو واقف لقا طفل صغري ما يعديش للخمس سنوات قاعد علي البير ورغم استغرابه لوجود طفل في المكان ده في وقت زي ده الا انه كان خايف ان الطفل ده يقع في البير فصرخ بصوت عالي … ارجع يا ولد ارجع لا توقع فين ايوك فين امك امشي روح وهو بيصرخ كده الطفل بصله ولكن مراد مقدرش حتي يشوف ملامح الطفل ده كويس فلما الطفل بص لمراد صرخ الطفل بصوت عالي وفظيع وقفز داخل البير وفي اللحظه دي كان مراد هيتجنن وفضل يزعق ياناس الحقو والولد وقع في البير وطبعا محدش سامع اي حاجه فحرج مراد من غرفته يجري عشان يلحق الطفل فقابله مدرس زميله من اللي معاه في السكن بيقوله علي فين بتجري ليه فرد مراد وهو جسمه بيرتعش من المفاجأه وااخوف والإضطراب وقاله الولد وقع في البير رد عليه زميله بكل برود وقاله ياسيدي دلوقتي يطلعوه قاله يابني علي مايقوموله يكون غرق قاله لا ما تقلقش خش نام انت
استغرب مراد وقاله ايه البرود ده زميله قال اصل كل يوم كده فسكت مراد وبعدين قاله كل يوم ازاي
قاله ماهو اصل البير ده مسكون والطفل ده عفريت الغريب ان مراد سكت خالص وبدأ بفكر في الكلام واللي حصل زميله قاله بكره هفهمك بس خش نام.
دخل مراد عشان ينام بس منامش من التفكير وعدت ليله طويله قوي عليه وراح المدرس ورجع والموضوع في دماغه ولكن الفضول اللي هو في عقل كل انسان خلاه يقرر انه يتزل عند البير في نفس توقيت ظهور الطفل عشان يشوف ايه اللي بيحصل ويتأكد بنفسه بس للأسف ياريته ما نزل لأن شاف اللي مش ممكن حد يتخيله في البير المسكون ده…………. . .. …