شعر وأدب
كمالة عدد.. بقلم هناء أحمد يونس
هو احنا فيكي يا دنيا ليه
كماله عدد ولا إيه
فين حقينا فيك
ضايع دايمًا كده ليه
وكل يوم أصبر وقول يمكن
يكون بكره احلى
من إللي قبليه
و أصبر أنا يأسي وضحك على نفسي
وقول يمكن الدنيا تضحك لي
عايش يا دنيا فيكي تايه غريب
مليش فيك يا دنيا صاحب ولا حبيب
سألوني ياما كتير فين ضحكتك
ليه للحزن أسير طافي شمعتك
ياريت بلاش تلموني وعن حياتي
تسألوني إيه حكايتك وإيه قصتك
من صغر سني عايش كأني
في دنيا غريبة مش دنيتي
وكل ما تقرب ضحكتي وأفرح يا ناس
ولسه يادوب هبتدي أفرح واعيش
ابص الاقي دمعتي ملات يا ناس
مخدتي وجرح جوايا عمال يزيد
أنا ذنبي إيه فيكي يا دنيا
ماسقصداني ليه كل ثانيه
وكل ما قول خلاص
ما فيش أحزان يا ناس
أرجع تاني لوحدتي
و دموع عينيه ما تنتهيش
وهي دي قصتي. وحكايتي ودنيتي
