هاتلي معاك.. بقلم رباب عبدالفتاح

هاتلي معاك عمر جديد
أكون لسة بيه مولود
وامحي منه أي حزن

يكون ليا فيه مكتوب
هاتلي قلب جديد سعيد
مكان القلب الموجوع

وصحه و عافيه
وخد حيلى المهدود
واوعي تنسي….
هاتلي فرحه مالهاش حدود

وكمان ضحكه دايماً
تكون من القلب طالعة
هاتلي حبايب فاتونى
كانوا لي نور عيونى

فراقهم عمانى وكسرني
هاتلي صحبة تكون وافيه
تكون على الود والعهد حافظة
هاتلي كتير من جبر الخواطر
أقل شيء ممكن يفرحنى

حتى لو كانت كلمة أو وردة
هاتلي حنية وأيد تطبطب
مثل أيد أبويا تداوي

هاتلي حضن زى حضن أمي
يمحي همى و كل أوجاعي
هاتلي جنة صغيرة

أعيش فيها مرتاحة
وخد كل اللى تعبنى
وسبنى هناك للأبد