شعر وأدب
أنسى أيامك.. بقلم ميرفت أمين الخولي
اللي يعدي علينا ويسلم
أهلا ويامرحب أوي بيه
واللي يكشر فينا ويبلم
لابنعرفه ولا نسأل فيه
هو يفكر كدة بيكدنا
مش عارف ان ده يوم عيدنا
وان بعاده عننا يسعدنا
ولا عمر عيونا هتبكي عليه
احنا بسببه تعبنا كتير
وياما بادرنا معاه بالخير
لا ده خسارة فيه التفكير
أو نسأله يوم عمل كدة ليه
أوعي تفكر أن عشانك
أنا هتعذب من حرمانك
رافضة أعيد من تاني أيامك
وقتك فات ولازم أعديه
أتعلمت أكون أنانية
يعني بحب وأفكر فية
ولقيت نفسي بعد شوية
بقدر علي المر وأحليه
ولا شكلك فاكرة له ملامح
ولا ناوية أحن ولا اسامح
أنت اللي بدأت تكون جارح
وصعب الجرح انك تداويه
ايه لازمته تبعت مراسيل
وتفكر ان في لحظك هميل
أنا في غيابك وقتى جميل
والدنيا احلوت في عنية
بقلمى // ميرفت أمين
