تفاصيل…قتل إبراهيم دايو على يد إبنه بالإسماعيلية
كتبت : ندي عادل
جريمه القتل البشعه التى هزت الاسماعيليه بثانى ايام العيد لإبن يقتل والده
عم ابراهيم راجل ميكانيكي محترم فاتح ورشه لتصليح العربيات الدايو بالموقف الجديد في الاسماعيليه وكل الناس في الاسماعيليه بتحبه
ومن كام يوم سافر بنى سويف لشراء الاضحيه وامبارح ضحى أمام البيت بشارع الثلاثينى أمام مسجد حسب الله
وابنه الكبير طالب بكليه خاصه اسمه محمود قام بقتله بطريقة بشعه
وعم ابراهيم عنده 5 اولاد ولدين و 3 بنات ومحمود ابنه الكبير وكان مش مخليه محتاج اى حاجه لدرجه انه اشترى ليه شقه فى القاهرة باسمه
وفى الاخر يكون جزائه القتل من اقرب الناس ليه ابنه وفى عيد الاضحى المبارك بسبب مخدر الشابو .
وللعلم مخدر الشابو للناس يصنع من مادة تسمي
الميثا امفيتامين
دى بتدخل تضرب الجهاز العصبي المركزي يعني مفيش نوم بالاسبوع ممكن ولا اكل كمان هلاوس بصريه وسمعيه بمعني انك بتتخيل حاجات مَش موجوده اصلا معروف جدا من زمن في شرق اسيا للعصابات والمدمنين .
وأثناء التحقيقات مع محمود بالنيابة أعترف بطعنه لوالده بسكين المطبخ في لحظة غضب وتسرع.
تحقيقات النيابة
بعد ضبط المتهم محمود الأبن الأكبر لعم إبراهيم دايو الميكانيكي الذي طعنه ابنه وعرضه علي النيابة العامة “
وقف الشاب وهو يبكي نادم علي مفاعله مع والده، قائلا اللي حصل يا باشا من أصدقاء السوء بسبب تعاطي المخدرات، انا معرفش عملت كده أزاي، بس هو اللي رفض إعطائي فلوس، وقلي انت عايز تشتري مخدرات مفيش فلوس تاني اطلع اشتغل واصرف علي نفسك، ودي كانت بداية المشادة الكلامية بيننا، وده كان أمام أشقائي، وبعد كده معرفش أزاي أقدمت علي طعنه وسقط أمامي وانهالت الدماء علي الأرض”.
النيابة العامة: هل حرضك أحد على قتل والدك؟
رد المتهم قائلا لا يا فندم هو رفض إعطائي فلوس وهددني بالطرد من المنزل، وكان دائما يتهمني أنني بتعاطي المخدرات، والأسبوع الماضي طرد أحد أصدقائي من أمام المنزل، وقالي لو شفتك مع الواد ده تاني مترجعش البيت.
النيابة العامة: هل كنت دائم الخلافات مع والدك؟
المتهم لا بس هو لما حس أن أنا بقيت بطلب فلوس بصفة مستمرة منه، شك انني بتعاطي المخدرات، وهو شدد علي أشقائي عدم إعطائي فلوس لاي سبب من الأسباب، ونقل جميع أخباري له، وكان دائما يدخل في حياتي الشخصية.
النيابة العامة: مين كان متواجد لحظة الحادث؟
المتهم لما حصل مشادة كلامية بيني وبين والدي وتطورت الي مشاجرة كان أشقائي ومحدش توقع اني اطعن والدي وكانوا في حالة ذهول من الموقف اللي حصل إمامهم، لكن هما ملهمش دعوة خالص باللي حصل.
وتم استكمال التحقيقات وقررت النيابة حبس المتهم 4 ايام علي ذمة التحقيقات وانتداب الطب الشرعي لثلاجة مستشفي القصاصين المركزي لمعرفة وتحديد أسباب الوفاة، وأخطار الأجهزة الأمنية لتمثيل الجريمة محل الواقعة.
