شعر وأدب
جوا كتبي.. بقلم أمل أمين الخولي
اوعوا تقولولي اخرجي
والدنيا مليانه حكايات
وبكره تلقي فرحتك
وتحققي كتيير أمنيات
لو خليتولي الكون براح
وعملتوا ليا من السعادة
ألف مية مليون جناح
أنا مش هطير
ولا راح أرفرف في الفضا
أو لحظه هيموت لي الضمير
ايه يعني حره بدون رضا؟!
كفاياكوا غش وشوشره
وجوهكوا بارده بألف وش
رِجعت ميه خطوة لورا
انا جوا كتبي هكون أميره
وراضية لو فيها أسيره
كفايا عمر مافيها كسره
ولا فيها نفس عليا حاقده
هعيش بحرفي
جوا الحروف
وهلاقي شغفي
ولا يوم هحس بأي خوف
جوا الكتاب كل الأمان
في كل حال
وفي أي وقت
مع أي لغبطة للظروف
