أحلامي ممنوعة.. بقلم ميرفت أمين الخولي

أنا أحلامي ممنوعة..
وجوة القلب موجوعة
وبتمني وبستني
ومهما اصرخ بصوت عالي
صرختي مش مسموعة

وفوق بحر السحاب بسرح
. وبحلم كل يوم بجديد
وبتمني اعيش وافرح.
والاقي قلبي مرة سعيد
لكن حلمي يروح لبعيد
واقوم من نومي مفجوعة

يا بخت الطير
بأحلامه لفوق طاير
ولا تايه ولا خايف ولاحاير
لاي مكان بيعلي لفوق
ودايما رايته مرفوعة

يامركب عمري واخداني
ورايحة لفين
ياخوفي تكوني سحباني
لشط حزين
ده لسة القلب فيه احلام علشاني
. يقولها لمين؟
..لامتي الحلم في حياتي.
هيفضل قصة مصنوعة
ليه احلامي ممنوعة

#بقلمي # ميرفت أمين