شعر وأدب
يا أم الجنود.. بقلم شيماء جمال أبوشادي
عاشق تراب مصر الوطن وعشقي دا غية
يا واقفة فوق كل المحن يا ساكنه ف عنيا
أنا ليكي جيش أفديكي بحياتي
وحياتي ملهاش معنى لو تكوني مأذية
أنا عشقي ليكي عشق عيل لطرف توب أمه
عارف انها حضنه اللي لما بيقسى بيضمه
مولود ف كف إيديكي بصمة وبيها متسمي
لو قولتي أه يا بني ، يفديكي من دمه 
يا أم الجنود يا أرض صاينها رب الناس
قلبي عليكي يجود بالدقة والإحساس
ورموش عنيا تضلل عليكي يا طيبة
ما انتي الخير والحياة وأماني والحراس
بالأمر قولي يا مصر هكون لعلمك نسر
ولو هكون مضطر أعمل خدودي مداس
