التعلق.. بقلم مريم أبو السعد

التعلق أمر صعب أوي ..أرتباطك، بمكان، إنسان، علاقة، بتسيب فيها جزء منك، ولما بيروحوا بتلاقي نفسك فاضي من جواك، بتبقي عامل زي التايه مش عارف تعمل إيه ولا تروح فين، وبتبقي أغلب الأوقات ساكت أو بتلجأ للنوم عشان تهرب من الواقع، وحقيقي دي مرحلة صعب أي حد يتجاوزها بسهولة.

والكارثة الأكبر لو اتعلقت بروح شخص، حبك لروح شخص ده كفيل يفضل ملازمك طول حياتك، مش زي حبك للشكل أبداً، إللي انبهارك فيه بيختفي بكل سهولة بمجرد ما تشوف إللي أجمل منه.