حكايات العالم السفلى.. حكاية27

كتب /إيهاب همام
_أسمى عمار

انا بشتغل سواق ميكروباص ، ومن سنة ونص حصلي موقف مرعب وغريب بسبب مسبحة او سبحة ، في يوم وبعد تعب رجعت للبيت ، وبدئت انظف الميكروباص ، وانا بنظف تحت الكراسي لقيت مسبحة لونها ازرق ،حجرها كان زي الزجاج وكان مظهرها ملفت وجميل جدا ، طبعاً انا قلت اكيد هي تخص حد من الناس الي بتركب معاية الميكروباص ، وبحكم اني ممكن مصدفش صاحب المسبحة دي تاني ، انا اخذتها وحطيتها بجيبي ، وبنفس اليوم بالليل جيت عشان انام فطلعت السبحة من جيبي وحطيتها تحت المخدة وبعد ما نمت ، حصلي اول موقف والي خلى شعري راسي يوقف ..؟
صحيت من النوم على صوت شخص بيتكلم بلغة غريبة ، فتحت عيني لقيت ، رجل طويل اوي ونحيف واقف بنص الاوضة ، صح نور الاوضة كان خافت بس مكنش صعب اميز ان في حد بهيئة بشرية واقف قدام سريري وسط الاوضة ، لما ابتديت اركز ، لقيته مشي حوالي خمس خطوات واختفى ، وقتها ابتديت اقرأ قرأن وانا خايف ومش فاهم ايه ده ، ولا حتى ربطت الموضوع بالمسبحة اطلاقاً ،
وللاسف معرفتش ارجع انام تاني ، المهم الصبح من بدري اخذت بعضي ونزلت عشان استرزق زي كل يوم ، ركبت الميكروباص وخرجت ، وبنص الطريق وانا سايق ، لاحظت بالمراية ، حد قاعد بالميكروباص ورى مكنش شايف غير رأسه الي مسنود على الكرسي ، فضلت متجمد ومش مستوعب الي بشوفه ، انا لسا خارج حالاً من البيت ازاي حصل ده ، ومين الرجل الي قاعد وازي وامتى ركب الميكروباص ؟
وقفت المكروباص لثواني عشان اشوف الشخص ده ، ولما اللتفت اختفى ، رغم اني كنت متأكد ان في حد كان قاعد الا انه اختفى بلمح البصر ، كملت طريقي ، وفسرت ان قلة النوم هي السبب وممكن تكون سببتلي هلاوس ، كملت اليوم ورجعت البيت بالليل ، كنت مرهق ، اخذت دش وتعشيت وبعدها رحت الاوضة عشان انام ، بس وانا بروح بالنوم ، لقيت ماما داخلة وبتقولي انها شافت رجل كبير بالسن جوى الميكروباص وشكله بيدور على حاجة بين الكراسي !
استغربت كلام امي ، ومين ممكن يدخل الميكروباص ، وازاي اصلا ؟ ..والميكروباص انا قافله بأيدي ،
وبسرعة نزلت ورحت نحية الميكروباص وتأكدت ان الميكروباص وقتها كان مقفول ، ولما دخلت جواه مكنش في اثر لأي حد ،
رجعت اوضتي وانا مصدق ومش مصدق ، مهو مش معقول انا اتخيل ، وامي كمان تتخيل ، وانا بفكر بالموضوع ، غلبني النوم ونمت ، وشفت وقتها حلم غريب ومفزع ،
شفت نفسي واقف بموقف عربيات كبير ، كنت بدور على الميكروباص بتاعي ، ولما لقيته اخيرا رحت دخلت جواه وانا سامع صوت حد يعيط
كان صوت مكتوم ، الشخص ده كان موطي تحت واحد من الكراسي ، كان بيدور على حاجة ، الهيئة كانت لرجل نحيف عمره لا يتجاوز السبعين ، انا قربت منه وانا بسأله ،
_انت مين يحاج بتدور على ايه بالضبط قولي وانا هساعدك ؟
وفجأة اللتفت ليا بملامح بشعة ومخيفة مش ممكن تكون ملامح بني ادم خالص ،
رجعت لورى بفزع وبعدها صحيت من النوم ، وبعد ما صحيت استعذت بالله من الشيطان ورجعت نمت تاني ، وللأسف رجعت لنفس الكابوس ، لما لقيت نفسي واقف قدام الرجل المشهوه وهو بيقول بصوت مرعب ؟
_رجعها ، لمصلحتك لازم ترجعها ،
سألته وانا مش فاهم ، ارجع ايه ، ومكنتش عارف هو بيقصد ايه ، بعدما قلت الكلام ده ، الرجل غضب وصرخ ونط نحيتي وهنا صحيت على حيلي من بشاعة الحلم ، هنا قلت خلاص ما بلاش ارجع انام ، وقمت رحت نحية الصالة شغلت قرأن وقعدت شوية ، بعدها طلع الفجر صليت ورجعت اناملي ساعة قبل ما انزل شغلي زي العادة ،
بس المرة دي حصلت حاجة متأكد انها مش حلم ، عشان وقتها حسيت اني متكتف ومش قادر اتحرك وفي ايد بتفتش تحت مخدتي ، قاومت شعور العجز لغاية ما فتحت عيني عشان الاقي بنت تقريبا سنها يدوب 11 سنة او اكبر شوية ، كانت افريقية وعيونها بيضة وفي وشم على وشها رموز غريبة ومخيفة ، لما البنت انتبهت اني صحيت ، صرخت بغضب وبعدها كأن حد سحبها لتحت الارض ، وبعد ما البنت دي اتسحبت حسيت ان جسمي فك وقدرت اتحرك ،
واقنعت نفسي وقتها ان دا كابوس ، استمرت الكاوابيس معاية شهر كامل مفيش يوم انام منغير ما اشوف كابوس يرعبني ، او اتعرض للجاثوم ، بعدها الموضوع تطور بشكل خطير ، ابتديت اسمع اصوات ناس بتتكلم بلغات مختلفة وغريبة ، ومن اللغات دي عرفت لغة وحدة وهي العبرية اما باقي اللغات كانت مجهولة ومش مفهومة اطلاقاً ،
الاصوات دي بسمعها اول محط رأسي على المخدة ، كنت لما اقوم تختفي ولما احط رأسي على المخدة ترجع تاني ، بقيت بقاوم وبتجاهل وبنام رغم خوفي ، بس اخر الاصوات دي كان في صوت قدرت افهم كلامه ، شخص بنطق الكلمات العربية بصعوبة كأنه تعلمها من فترة قصيرة ، وقال بنبرة تهديد واضحة ، رجع حجتنا لصحبها او هتموت بعد سبع ليالي ، فتحت عيني والصوت بيتردد بدماغي مع اصوات تانية كأنهم مجتمعين بمكان واحد ،
قمت من سريري رحت نحية الصالة ، حطيت رأسي على الكنبة وغمضت ، وبعدها نمت تاني ، بس الغريب لأول مرة من شهر انام مرتاح منغير مشوف كوابيس ، وقررت اسيب اوضتي وانام في الصالة ، كنت عادي ادخل اوضتي انما فترة النوم كنت بقضيها في الصالة “
المهم استمر الوضع ثلاث ايام ، وفي يوم دخلت اوضتي ولمحت المسبحة موجودة على الكومدين الي جنب سريري ، للحظة لمحتها تحركت ، والله العظيم تحركت من مكانها ، رحت نحيتها واول ما شلتها رميتها بسرعة ، والسبب كان الحرارة الفضيعة الي طالعة منها وكأنها انت مولعة نار ،
لمستها تاني بخطفة سريعة مني عشا
ن اتأكد انها مش سخنة ولا حاجة ، سعتها لحظت انها كانت دافية ، شلتها واخذتها وخرجت رحت شغلي ، ودا كان يوم صعب كنت بتخانق مع الناس زي المجنون ، حاسس بخنقة وضيق مش طبيعي ، لدرجة رجعت البيت قبل معاد الرجعة بثلاث سعات ، دخلت البيت كنت مرهق تعشيت وقعدت اتفرج على فلم ، والمسبحة كانت بجيبي طلعتها ولفيتها على معصمي ، وبعدما الفلم خلص ، سحبت الغطى عليا ونمت ، وهنا انا شفت كابوس خلاني اعرف ان المسبحة دي هي سبب البلاوي الي بتحصل ، الكابوس كان عبارة عن ناس واقفين بثبات قدامي ، بأعمار مختلفة ، اشكالهم غريبة نوعا ما واللوانهم كمان.