شعر وأدب
قصيدة (فردة شرابي الضايعة) بقلم خالد كامل
* هاتفضلي لغاية إمتي يافردة شرابي من الضايعين.
*و ادور عليكي زي الصياد في الغابة اللي نفسه يصطاد اسدين.
*وانتي منشورة علي الحبل قبل ماتضيعي بتكوني وردة البساتين.
* ومش بتأخرعنك في الغسيل
بس في الغسالة بتكوني من التايهين.
*وبتمني دستة الشربات مش اتناشر لكن تكون عشرين.
*ولما البس الفردتين واصلي
تنخرمي وتفضحيني وسط المصلين.
*ليه دايما يافردتي الضايعة
بتخليني اكون من البائسين.
*ووصلتيني اني اروح الشغل
بفردة واحدة زي المتشردين .
*نفسي اعرف بتستخبي مني فين
يابنت الشربات الكويسين.
*نادر„ عليا يوم ماالقاكي اعمل ندر
واكل كل الجعانيين.
*وترجع رجلي تلبسكم من تاني
فردتين جمب بعض متجمعين.
